بسم الله الرحمن الرحيم
وبه نستعين
يالعين لا تبكين فرقا المواليف
السلام عليكم ورحمة الله وبركاته
القصيدهـ
يالعين لا تبكين فرقا المواليف
ابكي على حال اليتيم ألمعنا
توه صغير ودمع عينه مراديف
من همه اللي فوق صدره تثنا
وابكي على عودٍ حدته الصواديف
راحت حياته بين شك وظنا
خلوه ربعه للشقاء والتحاسيف
ماله جدى الا من غبونه يونا
وابكي على شملٍ تفرق وياحيف
ياحيف وان كان التفرق مكنا
في جمعنا نبدي بروس المشاريف
ومن التشتت ياجماعه طمنا
وابكي دواوين الرجال العواريف
اللي تفوح بريح هيل ٍ وبنا
سوالفن تشهد عليها المواقيف
نشفق على مجلاسها وانتعنا
وابكي بعد شوق المعزب على الضيف
ما عاد للضيفان بيتٍ يبنا
ما اعمهم لكن قلو هل الكيف
اللي جذبهم صوت نجرٍ يدنا
وابكي على جارٍ يصون المعاريف
لا صاب جاره علةٍ ماتهنا
واليوم بين الجار والجار تكليف
ماعاد للجيران قدرٍ يكنا
وابكي على شعرٍ غدى والمحاريف
وابكي على البيت الجزيل المغنا
تلقفوا للشعر ناسٍ ملاقيف
كلٍ يحسب الشعر يالكسر فنا
اللي سواتك يالكسر فالتواصيف
فاروق فالشعار سيفٍ محنا
هذا البكاء ياعين من غير تحريف
والله يعين العين كم هي تمنا
منقولة
ليست هناك تعليقات:
إرسال تعليق